Fiðrildi dansa á flugvellinum
Lífið • This email address is being protected from spambots. You need JavaScript enabled to view it. • Fyrst birt 02. apr 2009 17:38 • Uppfært 08. jan 2016 19:19
Á morgun, föstudag, mun Dansfélagið Fiðrildin sýna þjóðdansa fyrir flugfarþega og almenning á Egilsstaðaflugvelli. Hefst sýningin kl. 19:45. Michelle Lynn Mielnik, félagi í Fiðrildunum, segir þetta vera fyrstu sýningu félagsins í þó nokkurn tíma, en jafnframt þá fyrstu af mörgum sem verða í sumar, meðal annars í tengslum við ferðaþjónustu.
,,Sýningin á flugvellinum er eins konar upphitun í búningum fyrir dansarana, því félagar taka þátt í alþjóðlegu dansmóti ásamt um fimmtíu þjóðum á Mallorca nú um páskana. Einnig er á döfinni að sýna fyrir almenning í safnahúsinu sumardaginn fyrsta,“ segir Michelle og hvetur fólk til að mæta á sýninguna og kynna sér í leiðinni merka menningararfleifð Íslendinga.
