Viðlagatrygging óskar eftir tilkynningum um tjón vegna flóðanna
Viðlagatrygging Íslands hefur óskað eftir því að þeir sem telja sig hafa orðið fyrir tjóna af völdum flóðanna á Austurlandi síðustu daga tilkynni það sem fyrst.Viðlagatrygging vátryggir gegn tjóni af völdum náttúruhamfara og falla flóðin á Austfjörðum síðustu daga undir þá skilgreiningu.
Allar brunatryggðar fasteignir og lausafé njóta vátryggingarverndar Viðlagatryggingar. Að auki njóta vátryggð mannvirki í eigu opinberra aðila sem tilgreind eru í lögum um Viðlagatryggingu vátryggingaverndar.
Ljóst er að í flóðum og skriðuföllum eystra hefur orðið tjón á búfénaði og ræktarlandi. Ræktarlandið en ekki tryggt en þeir sem hafa sérstaka landbúnaðartryggingu geta fengið bætur fyrir búfénað sinn. Hjá Viðlagatryggingu fengust þær upplýsingar í dag að hvert og eitt tilvik yrði að meta fyrir sig.
Starfsmaður Viðlagatryggingar fór í dag að skoða tjón á brúnni yfir Steinavötn. Fulltrúar hafa ekki enn komið á Austurland en verið í samskiptum við sveitarfélög og fleiri aðila vegna flóðanna.
Tilkynna má tjón eða leita upplýsinga í gegnum vef Viðlagatryggingar, netfangið This email address is being protected from spambots. You need JavaScript enabled to view it. eða í síma 575-3300.
