Vegir almennt greiðfærir á Austurlandi
Þrátt fyrir gula veðurviðvörun á Austurlandi að Glettingi og á Austfjörðum eru vegir almennt greiðfærir í þessum landshlutum. Ekki er vitað um nein óhöpp í gærkvöldi og nótt.Eins og fram hefur komið í fréttum hefur snjóað í fjöll og snjóþekja getur verið á fjallvegum. Myndin sem fylgir hér með er tekin úr vefmyndavél Vegargerðarinnar á Vopnafjarðarheiði skömmu fyrir klukkan 8 í morgun.
Þótt vegir séu greiðfærir er ástæða til að vara ökumenn á stórum ökutækjum eða með aftanívagna að keyra um sunnanverða Austfirði nú fyrir hádegið því vindstyrkur í hviðum á þeim slóðum getur slegið í 30-35 m/s.
