Varað við stormi fram yfir hádegi
Gul viðvörun er í gildi vegna hvassviðris á Austurlandi að Glettingi og Austfjörðum fram yfir hádegi í dag.Viðvörunin fyrir Austfirði var ekki gefin út fyrr en gærkvöldi en hin í gærdag. Samkvæmt viðvöruninni fyrir Austfirði var spáð norðvestan 18-25 m/s og líkur á vindhviðum allt að 40 m/s.
Fólki var því bent á að tryggja lausamuni og varað við ferðum. Inn til landsins var spáin verst fyrir nótina.
Viðvaranirnar eru í gildi fram til klukkan 13 í dag. Samkvæmt spá Veðurstofunnar má þó búast við hvassviðri á Austfjörðum fram undir kaffi.
Mestur vindhraði á þessum sólarhring á landinu var annars vegar í Bjarnarey, hins vegar Vatnsskarði eystra, rúmir 30 m/s á hvorum stað.
Helstu fjallvegir á Austurlandi eru opnir þótt þeir séu hálir, nema Hellisheiði sem er ófær. Skafrenningur er á Möðrudalsöræfum og snjóþekja á Mjóafjarðarheiði. Varað er við hreindýrahjörðum í Álftafirði og Hamarsfirði.
Norðfjarðargöng eru nú opin fyrir umferð allan sólarhringinn á ný. Umferðarstýring er enn inni í göngunum á meðan unnið er að lokafrágangi.
