Varað við hljóðmengun frá vinnu við nýja bryggju
Á Eskifirði stendur nú yfir vinna við að reka niður staura fyrir nýja bryggju við frystihús Eskju. Meðan á framkvæmdum stendur getur orðið einhver hljóðmengun frá vinnusvæðinu.Þetta kemur fram á vefsíðu Fjarðabyggðar. Þar segir að vinnan standi yfir á virkum dögum milli kl. 07:00 – 21:00 og um helgar frá kl. 10:00 – 19:00.
Gert er ráð fyrir að framkvæmdum verði lokið 11. febrúar. Eins er bent á að öll óviðkomandi umferð um vinnusvæðið er óheimil. Beðist er velvirðingar á þeim óþægindum sem þetta kann að valda.
Mynd: Fjarðabyggð.is