Norðan stormur með snjókomu og skafrenningi
Gul veðurviðvörun er í gildi síðar í dag á Austurlandi að Glettingi og Austfjörðum. Búist er við norðan stormi eða hvassviðri með snjókomu og skafrenningi.Á Austurlandi að Glettingi er spáð norðvestan hvassviðri 13-20 m/s með snjókomu og skafrenningi. Lélegt skyggni og slæm akstursskilyrði. Færð getur spillst. Gildir frá kl. 2 í dag til kl. 10 í kvöld, að því er segir á vefsíðu Veðurstofunnar.
Á Austfjörðum er spáð norðan stormi 18-25 m/s og hviður yfir 35 m/s. Snjókoma og skafrenningur, einkum norðantil. Lélegt skyggni og slæm akstursskilyrði, færð getur spillst. Gildir frá kl. 6 í dag til miðnættis á morgun.
Á vefsíðu Vegagerðarinnar segir að hálkublettir eða hálka séu á fjallvegum þessa stundina en snjóþekja á Breiðdalsheiði og Öxi.