Listaverkið Stýrishús-Brú sett upp til eins árs
Umhverfisnefnd Seyðisfjarðar hefur samþykkt fyrir sitt leyti að listaverkið Stýrishús-Brú verði sett upp til eins árs á lóðinni Austurvegur 17B. Umrædd lóð tilheyrir Seyðisfjarðarkaupstað.Það var Monika Frycová sem sótti um leyfi til að setja upp listaverkið á lóðinni. Bæjarráð vísaði erindinu til Umhverfisnefndar til umfjöllunar og afgreiðslu.
Í fundargerð segir m.a. að nefndin taki vel í erindið og samþykkir fyrir sitt leyti að listaverkið verði sett upp á lóðinni og að leyfið gildi til eins árs. Ennfremur segir að nefndin mælist til þess að frágangur verði með þeim hætti að slysahætta skapist ekki af listaverkinu.
