Gul veðurviðvörun á Austurlandi og Austfjörðum í nótt og á morgun
Veðurstofan hefur gefið út gula veðurviðvörun á Austurlandi og Austfjörðum. Tekur hún gildi kl. 3 í nótt og stendur í sólarhring. Á vefsíðu Veðurstofunnar segir að spáð er vestanhvassviðri eða -stormi Austanlands í nótt og á morgun,Á Austurlandi að Glettingi er spáð vestan og norðvestan 13-20 m/s með vindhviður að 30 m/s við fjöll. Ökumenn fari varlega, einkum ef ökutækin eru viðkvæm fyrir vindi.
Á Austfjörðum verður ástandið aðeins verra en þar er spáð vestan 15-23 m/s með vindhviður að 35 m/s. Ökumenn fari varlega, einkum ef ökutækin eru viðkvæm fyrir vindi.