Bílvelta í hálku á Fjarðarheiði
Bílvelta varð á Fjarðarheiði snemma í morgun. Krapi er víða á fjallvegum en umferð hefur að öðru leyti gengið áfallalaust það sem af er degi.Samkvæmt upplýsingum frá lögreglu valt bifreiðin við Heiðarvatn á Fjarðarheiði um klukkan sjö í morgun. Ökumaður var einn í bílnum og var fluttur á sjúkrahúsið í Neskaupstað.
Aðstæður voru vondar í morgun, krapi á veginum og skyggni vont út af éljagangi.
Umferðin hefur að öðru leyti gengið ágætlega í morgun í fyrsta hreti haustsins enda fara bílstjórar hægt yfir. Krapi er enn á heiðinni en autt í hjólförum.
Mynd: Aðsend
