Íbúðarhús rýmd á Eskifirði vegna skriðuhættu
Sex íbúðarhús á Eskifiðri sem standa nærri Grjótá voru rýmd á níunda tímanum í kvöld kvöld vegna skriðuhættu eftir að hlaup varð í ánni um klukkan sjö.Engin hús skemmdust í hlaupinu en farvegur árinnar aflagaðist samkvæmt upplýsingum frá lögreglu. Ekki er vitað um skemmdir á öðrum mannvirkjum svo sem brúm og vegum þar sem þær geta komið fram síðar.
Á vegum Fjarðabyggðar er nú unnið að laga árfarveginn og reyna að lágmarka hættuna. Grjót og los er í bökkum árinnar fyrir ofan húsin.
Jónas Wilhelmsson, yfirlögregluþjónn á Eskifirði, segir að vel hafi gengið að rýma húsin. „Fólk áttar sig á þörfinni þegar það sér þessar hamfarir.“
