Velta Loðnuvinnslunnar hefur aukist um 70% milli ára
Glæsilegum árangri var fagnað með áhöfn Ljósafellsins frá Fáskrúðsfirði í gær, en aflaverðmæti skipsins er komið í rúmlega einn milljarð, en það var 750 milljón króna í fyrra. Áætlað aflaverðmæti allt árið er tæplega 1,1 milljarður sem er um 45% aukning milli ára.
„Við höfum verið að styrkja okkar kvótastöðu undanfarin fjögur ár, en á þessum tíma höfum við keypt 1500 þorskígildi," segir Friðrik Guðmundsson, framkvæmdastjóri Loðnuvinnslunnar.
„Það hefur gengið óskaplega vel, en árið í fyrra var metár hjá Ljósafelli. Velta Loðnuvinnslunnar í heild sinni um 70% á milli ára, sem er ágætt. Slíkur árangur næst ekki af sjálfu sér, heldur erum við með úrvalsfólk til lands og sjávar, að mestu heimamenn," segir Friðrik.
Mynd: Kjartan Reynisson.
