Fjarðabyggð tekur í notkun nýjan sérútbúinn bíl fyrir ferðaþjónustu fatlaðra
Ferðaþjónusta fatlaðra tók í gær notkun nýja og sérútbúna bifreið fyrir þjónustu við ferlifatlaða.Bifreiðin er í alla staði glæsileg og mikilvægur liðsauki við félagsþjónustu Fjarðabyggðar. Það var því ánægjuleg stund þegar Páll Björgvin Guðmundsson, bæjarstjóri, afhenti ásamt Sigrúnu Þórarinsdóttur, félagsmálastjóra, Sveini Guðmundssyni bifreiðarstjóra hjá ferðaþjónustu fatlaðra lykilinn að nýju bifreiðinni.
Auk þess að uppfylla öryggiskröfur á þessu sviði farþegaflutninga, er bifreiðin búin út með sérhæfðum bakstuðningi í aftanverðu farþegarými, sem eykur bæði öryggi og þægindi hjólastólafarþega.
Farþegarými er rúmgott og auðvelt að veita þá aðstoð sem þarf hverju sinni. Þá er farþegalyfta bílsins af fremstu gerð og auðveldar aðgengi hjólastóla að bílnum.
Bifreiðin er fjórhjóladrifinn Sprinter smárúta frá Mercedes Benz og flýtur allt að fimm farþega í sæti og tvo farþega í hjólastól í einu.
Það var vefur Fjarðabyggðar sem greindi frá þessu í gær.
