Markaðssvið Austurbrúar auglýsir eftir ljósmyndum af Austurlandi til markaðssetningar og til framleiðslu á póstkortum. Sérstök dómnefnd mun velja úr innsendum myndum en skilafrestur er til 15. desember nk.
Berglind Ósk Agnarsdóttir sagnaþulur frá Fáskrúðsfirði tekur þessa dagana þátt í Ramelton sagnahátíðinni í Donegal á Írlandi. Hátíðin er að þessu sinni helguð hafinu. Berglind, sem starfar sem sagnaþulur, hlaut styrk frá Menningarráði Austurlands til fararinnar.
Austfirska hljómsveitin Bloodgroup kom fram á Airwaves tónlistarhátíðinni í sjöunda sinn þegar hátíðin var haldin um síðustu helgi og spilaði alls á fernum tónleikum.
Einar Már Sigurðsson, sem í haust snéri aftur í starf skólastjóra Grunnskólans á Fáskrúðsfirði eftir þrjátíu ára fjarveru, segir frábært að vera kominn aftur á Fáskrúðsfjörð og sjá breytingarnar sem orðið hafi á skólastarfinu á þeim tíma.
Nítjánda stöðin í flota Atlantsolíu var opnuð á Egilsstöðum í sumar. Forsvarsmenn fyrirtækisins segjast með nýju stöðinni vera að vinna í því að loka hringnum.
Foreldrar, nemendur, starfsfólk skólans og fulltrúar úr stjórnsýslu sveitarfélaga voru boðaðir á skólaþing Hallormsstaðarskóla sem haldið var fyrir skemmstu. Áherslan var á að móta framtíðarstefnu fyrir skólann. Ýmsar frumlegar hugmyndir komu þar fram.
Samtök áhugafólks um áfengisvandann standa í kvöld fyrir borgarafundi á Egilsstöðum. Fundurinn verður haldinn í Egilsstaðaskóla og hefst kl. 20:00.
Á síðustu árum hefur áhugi á uppgerð gamalla véla aukist mikið og æði stór hópur sem hefur áhuga á slíku. Vítt og breitt um Ísland má finna vélagrúskara. Sumir hafa gert upp eina dráttarvél, aðrir margar. Nokkrir eru heimsóttir á nýjum mynddiski um íslenska dráttarvélamenningu.
Menningarveislan „Dagar myrkurs“ á Austurlandi hefst á fimmtudag og stendur í tíu daga. Ástardagar, draugasögur, nornaseiðir, varúlfar og allt þar á milli verður á boðstólum þessa dagana.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.