Ný íslensk heimildarmynd, Augu hreindýrsins, um hreindýr á Austurlandi verður frumsýnd í Sláturhúsinu á Egilsstöðum annað kvöld. Síðast var gerð heimildarmynd um íslensk hreindýr árið 1939.
Árviss rithöfundalest fer um Austurland helgina 29. nóv. til 1. desember. Á ferð verða fimm höfundar með nýjustu verk sín.
Jólatréð, sem á hverju ári hefur staðið við Kaupfélagið á Egilsstöðum, var reist í gær. Tréð er að þessu sinni fimmtán metra hátt og hefur aldrei verið hærra. Kveikt verður á því á laugardag.
Árleg sala Soroptimistaklúbbs Austurlands á kærleikskúlum og jólaóróum verður um næstu helgi. Selt er til styrktar Styrktarfélagi lamaðra og fatlaðra.
Myndir frá Stöðvarfirði eru væntanlegar inn í 360° myndasafn Já á næstunni. Myndir eru komnar þangað af öllum öðrum þéttbýlisstöðum á Austurlandi.
Jólamarkaður hestamannafélagsins Blæs á Norðfirði var haldinn í þriðja sinn á laugardaginn var. Fjöldi gesta lagði leið sína á markaðinn þar sem ríflega 30 söluaðilar buðu fjölbreytta vöru.
Barnaguðsþjónusta verður í Kirkjuselinu í Fellabæ klukkan 11:00 á sunnudag. Kveikt verður á aðventukransinum, barnakór undur. stjórn Drífu Sigurðardóttur syngur. Á eftir verður boðið upp á heitt súkkulaði og piparkökur.
Vögguvísa, innblásin af reiði, var meðal þeirra laga sem flutt voru á tónlistarhátíðinni Vegareiði sem haldin var í Sláturhúsinu á Egilsstöðum á laugardag. Fjórar austfirskar rokksveitir komu þar fram ásamt Legend úr Reykjavík.
Rokkhljómsveitin Legend með Krumma Björgvins í broddi fylkingar verður aðalnúmerið á tónleikunum Vegareiði sem haldnir verða í Sláturhúsinu á Egilsstöðum annað kvöld.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.