Von á hjólastólaaðgengi í landsbyggðarstrætó
Von er á sérsmíðuðum strætisvagni með hjólastólaaðgengi sem aka mun leiðina Akureyri-Egilsstaðir innan tíðar.Frá þessu er greint í Framkvæmdafréttum Vegagerðarinnar. Vegagerðin gerði síðasta sumar kröfu um aðgengi fólks í hjólastólum í útboði landssamganga.
Nýverið var tekinn í notkun fyrsti sérsmíðaði strætisvagninn með hólastólalyftu á leiðinni Reykjavík – Akureyri. Von er á öðrum innan skamms fyrir leiðina milli Egilsstaða og Akureyrar, en SBA keyrir þá leið.
Farþegar, sem þurfa aðgengi fyrir hjólastól, þurfa að hafa samband við þjónustuver Strætó í síma 540-2700 með minnt 24 tíma fyrirvara til að láta vita í hvaða ferð þarf sérútbúinn bíl. Þjónustuverið hefur síðan samband við rekstraraðila til að tryggja að réttur bíll verði til staðar í ferðinni.
