Áframhaldandi aðgæsla skilar að lokum meira frjálsræði
Enginn er með virkt Covid-19 smit né í sóttkví á Austurlandi. Aðgerðastjórn almannavarnanefndar Austurlands brýnir Austfirðinga til að sýna áfram aðgæslu því góður árangur leiði að lokum til frjálsræðis.Í tilkynningu aðgerðastjórnarinnar frá í dag segir að staðan sé góð hérlendis en henni verði aðeins viðhaldið með áframhaldandi varfærni. Þannig muni síðar náðst enn meira frjálsræði, bæði í leik og starfi.
Íbúar eru hvattir til að kynna sér vel og framfylgja reglum um fjarlægðarmörk, grímunotkun, handþvott og sprittnotkun.
„Gætum að okkur og njótum á sama tíma þess góða árangurs sem náðst hefur,“ segir þar að lokum.
