Það verður kosið um atvinnuuppbyggingu í Fjarðabyggð
Umræðan • This email address is being protected from spambots. You need JavaScript enabled to view it. • 12. maí 2022
Við Sjálfstæðisfólk trúum því að öflugt og fjölbreytt atvinnulíf sé forsenda framfara og undirstaða velferðar. Fjarðabyggð er glöggt dæmi.
Sveitarfélagið hefur vaxið af miklum krafti í rúman áratug og forsendur eru til áframhalds. Uppbyggingaráform kalla á sterka forystu og sóknarhug. Þar getur Fjarðabyggð mætt áskorunum framtíðar og við sem samfélag höfum alla burði til enn frekari vaxtar.
Í atvinnumálum mun Sjálfstæðisflokkurinn:
• Mæta hagsmunabaráttu sveitarfélagsins af fullri alvöru og berjast fyrir hagstæðum skilyrðum atvinnuuppbyggingar meðal annars varðandi raforkumál.
• Koma til móts við lítil og meðalstór fyrirtæki með hófsamri gjaldtöku.
• Stuðla að því að farið verði í útgáfu eldisleyfa í Mjóafirði.
• Hefja klasasamstarf atvinnulífsins í Fjarðabyggð með það fyrir augum að efla skilyrði til atvinnuuppbyggingar, laða að ný fyrirtæki, fjölga húsnæðismöguleikum, auka nýsköpun, skapa samráðsvettvang og frekara samstarf atvinnulífs og sveitarfélagsins.
• Fara í markaðssetningu sveitarfélagsins í þágu uppbyggingar, fjölgun íbúa, ímyndar og ferðaþjónustu.
• Tryggja hlutdeild í tilflutningi opinberra starfa.
• Sjá til þess að fjármunir fiskeldissjóðs komi án milligöngu.
• Sjá til þess að sveitarfélagið sé vel í stakk búið til þess að mæta uppbyggingarþörf atvinnulífs hverju sinni.
Okkar metnaður, forysta og sóknarhugur stendur til öflugs athafnalífs í Fjarðabyggð. Til þess þurfum við þinn stuðning í kosningunum 14. maí n.k.
Höfundur er útibússtjóri og skipar 15. sætið á framboðslista Sjálfstæðisflokksins í Fjarðabyggð.
