Samkaup yfirtekur allan verslunarrekstur KHB
Umræðan • This email address is being protected from spambots. You need JavaScript enabled to view it. • 06. febrúar 2009
Samkaup hf. og Kaupfélag Héraðsbúa hafa náð samkomulagi um kaup Samkaupa á verslunarrekstri Kaupfélags Héraðsbúa á Egilsstöðum, Neskaupstað, Eskifirði, Seyðisfirði, Fáskrúðsfirði, Djúpavogi og Borgarfirði eystra. Þá mun Samkaup kaupa fasteignir Kaupfélags Héraðsbúa sem tilheyra þessum verslunum, að undanskildum fasteignum á Fáskrúðsfirði og Djúpavogi. Samkomulagið felur jafnframt í sér að Samkaup mun yfirtaka ráðningarsamninga við allt starfsfólk KHB í þessum verslunum.
Í tilkynningu frá KHB og Samkaupum sem barst fjölmiðlum í dag segir einnig að verslanir Kaupfélags Héraðsbúa hafi verið reknar í samstarfi við Samkaup hf. undir vörumerkjunum Samkaup Úrval og Samkaup Strax. Því er áætlað er að yfirtaka verslunarrekstursins eigi stað svo fljótt sem auðið er og með þeim hætti að verslun og þjónusta við íbúa haldist óskert.
Það er markmið Samkaupa með þessum kaupum að efla verslun og bæta þjónustu á Austfjörðum ásamt því að taka virkan þátt í samfélaginu á svæðinu.
