Sparifataklæddir flokksstjórar
Flokksstjórar í Vinnuskóla Fljótsdalshéraðs breyttu um stíl seinasta vinnudaginn. Flokksstjórarnir mættu þá íklæddir sínu fínasta pússi og óku í hóp á tækjum sínum, til dæmis sláttuvélum, um götur Egilsstaða.
Við komuna aftur í áhaldahús Fljótsdalshéraðs stilltu þeir sér upp fyrir Agl.is. Þeir eru, frá vinstri: Hjalti Jón Sverrisson, Jóhann Valur Klausen, Þráinn Sigvaldason, Björn Benediktsson og Óttar Brjánn Eyþórsson.