Skriðjökull í Fellabæ?
Ef rýnt er í myndina virðist þetta helst vera mynd af skriðjökli þar sem hann fellur í sjó fram, gæti sem best verið á Grænlandi. En er það svo, er þetta skriðjökull?
Myndirnar geta blekkt og svo er í þetta skipti. Þagar betur er að gáð er þessi skriðjökull í miðjum Fellabænum. Nánar tiltekið er þetta snjórinn sem Bólholt mokaði af götum Fellabæjar í ótíðarkaflanum í janúar og keyrði á ýmsum tækjum og vörubílum og sturtaði fyrir bakkann, við Lagarfljótsbrúna við brúarsporðinn norðanmegin fljóts.