Vara við veginum í Fannardal
Lögreglan á Austurlandi varar við ósléttum veginum í Fannardal að nýju Norðfjarðargöngunum þar sem vegurinn er ósléttur. Flest verkefni lögreglunnar í síðustu viku tengdust umferðaróhöppum.Varað er við vegarkaflanum frá gangamunnanum að Skálateigi í dagbók lögreglunnar. Þar segir að í veginum séu djúpar holur sem valdið geti eignatjóni og umferðaróhöppum.
Í dagbókinni kemur framað nokkur umferðaróhöpp hafi orðið í umdæminu en engin slys á fólki. Útafakstur varð við Brunahvamm á leiðinni niður af Vopnafjarðarheiði og skemmdist sú bifreið talsvert.
Þá fór bifreið út af veginum á móts við Dalsá í Fáskrúðsfirði. Ökumaður bifreiðarinnar kvaðst hafa séð kyrrstæða ljóslausa bifreiða á veginum framundan og sveigt framhjá til að forðast árekstur.
Þá þurfti að aðstoða ökumönnum á nokkrum stöðum sem voru í vandræðum vegna veðurs.
Ökumaður er grunaður um að hafa stolið bíl og ekið án ökuréttinda á Breiðdalsvík. Á Fáskrúðsfirði var ökumaður handtekinn grunaður um akstur undir áhrifum fíkniefna og án ökuréttinda. Einn var handtekinn á Egilsstöðum grunaður um akstur undir áhrifum fíkniefna.
Ein líkamsárás var tilkynnt á Egilsstöðum. Það mál er í rannsókn.