Svipa besta mjólkurkýrin
Kýrin Svipa á Hallfreðarstöðum í Hróarstungu mjólkaði mest austfirskra kúa á síðasta ári. Meðalnyt eftir hverja kú voru mest á Austurlandi.Þetta kemur fram í niðurstöðum skýrsluhalds nautgriparæktarinnar fyrir árið 2020. Svipa gaf alls 13.293 lítra af mjólk á síðasta ári sem kemur henni í sjötta sæti á landsvísu.
Meðalnyt á Austurlandi voru 6.693 lítrar af mjólk á hverja kú og 331.036 lítrar að meðaltali frá hverju búi. Á landsvísu var meðaltalið 6.384 lítrar á kú og 6.384 lítrar frá búi. Austfirsku búin eru að meðaltali stærst með 52,4 árskýr meðan á landsvísu er meðtalið 54,4 kýr.
Á móti kemur að búin eystra eru ekki mörg. Þau eru 27 talsins með alls 1.412 kýr en á landsvísu eru 534 bú með 26.127 kýr.
Mest nyt að meðaltali á hverja kú eystra voru 7.640 lítrar á Núpi í Berufirði en kýrnar þar eru 108 talsins. Búið var 40. sæti yfir meðalnytin á landsvísu.
Þrjú önnur austfirsk kúabú eru þar skammt á eftir. Egilsstaðabúið var með 7.594 lítra að meðtali frá 75,2 kúm, Engihlíð í Vopnafirði með 7.553 lítra eftir 54,6 kýr og Hánefsstaðir í Seyðisfirði með 7.514 lítra eftir 28 kýr.
Á þeirra tveggja er stærsta kúabú landsins, Flatey á Mýrum, með 7.532 lítra að meðaltali eftir 226,9 kýr.