Segja nýju sóttvarnareglurnar galnar
Formenn þriggja knattspyrnudeilda á Austurlandi segja að nýju sóttvarnarreglurnar sem kynntar voru í vikunni séu fullkomnlega galnar og þýða að fólk missir traust á yfirvöldum og þeim atburðum sem eru í gangi.Þetta kemur fram í yfirlýsingu sem formennirnir hafa sent frá sér. Þar segir einnig að það hljóti að vera eðlilegt að félög í þeim landshlutum þar sem engin smit eru fái að minnsta kosti að sitja við sama borð á félög í höfuðborginni.
„Við sjáum ekki að það sé meiri smithætta á knattspyrnuæfingum liða í 2. deild en úrvalsdeild á sama landssvæði. Klárlega er meiri smithætta á æfingum hjá KR eða Val en hjá liðum á Austfjörðum eins og staðan er í dag og reyndar eins og staðan er búin að vera í öllum þessum faraldri,“ segir m.a. í yfirlýsingunni sem formenn knattspyrnudeilda Leiknis, Hattar/Hugins og Fjarðabyggðar undirrita.
„Ef ekki tekst að fá vit í þessar reglur núna verður að leggja hart að sóttvarnayfirvöldum að hafa endurskoðunardagsetningu á milli hátíða....að hafa þessar nýju reglur í hátt í fimm vikur er til að kóróna galskapinn.“
Ekki varfærnislegt
Þórólfur Guðnason sóttvernarlæknir kom inn á þetta á upplýsingafundinum í morgun. Þar svaraði hann spurningunni um afhverju íþróttir væru leyfaðar hjá afreksfólki en ekki íþróttafólki sem telst ekki í þeim hópi.
Þórólfur segir að ef allt íþróttastarf væri leyft væru það ekki varfærnislegar tilslakanir.
