Rýmingu aflétt að hluta á Seyðisfirði
Fundi almannavarnanefndar, viðbragðsaðila og Veðurstofu lauk rétt í þessu. Þar kynnti Veðurstofa niðurstöður stöðugleikamats í hlíðum Seyðisfjarðar. Var niðurstaðan sú að aflétta rýmingu að hluta.Þetta kemur fram í tilkynningu frá lögreglunni á Austurlandi. Þar segir að rýmingu hefur því verið aflétt í eftirtöldum húsum:
- Austurvegi 32, 47, 49, 51 og 53
- Brekkuvegi 3, 5 og 7
- Baugsvegi 1 og 4
- Bröttuhlið 1, 2, 3, 4 og 5
- Múlavegi, í öllum hús ofan vegar númer, 1, 3, 5, 7, 9, 11, 13, 15, 17, 19, 21, 23, 25, 27, 29, 31, 33, 35, 37, 39, 41, 53, 57 og 59
- Hafnargata 2, 4 og 4A
Þá er áréttað að íbúar í húsum þar sem rýmingu hefur enn ekki verið aflétt, geta farið í hús sín og náð þar í nauðsynjar til að mynda og unnið að lagfæringum. Rétt er að gefa sig fram áður við viðbragðsaðila í Ferjuleiru sem veita frekari upplýsingar og aðstoð. Gæta skal að því að fara í slíkar heimsóknir í björtu og við það miðað að það sé gert milli klukkan 11 og 17.
Ítarlegri upplýsingar verða sendar fljótlega á vef almannavarnanefndar og fésbókarsíðu. Þær munu birtast þar á ensku og pólsku einnig.
Mynd: Ríkislögreglustjóri.
