Píluklúbbur stofnaður á Eskifirði
Daninn Jesper Sand Poulsen fer fyrir hópi sem stofnað hefur píluklúbb í miðbæ Eskifjarðar undir nafninu Píluklúbbur Austurlands. Verið er að vinna í húsnæði klúbbsins og stefnt á formlega opnun þess eftir sjö daga.María Hjálmarsdóttir situr í stjórn klúbbsins. Hún segir að það séu skráðir um 30 meðlimir í klúbbinn og þar af 7 konur.
”Markmið klúbbsins er að fá fleiri konur og koma á unglingastarfi og æfingum fyrir bæði unga og fullorðna,” segir María.
Fram kemur hjá Maríu að nú sé unnið sleitulaust við að koma öllu upp í klúbbnum og verður hann opnaður í næstu viku. Það verða 6 pílubásar til staðar og spjaldtölvur til að halda utanum stig.
Jesper Sand Poulsen er formaður stjórnar klúbbsins en auk Maríu eru í stjórninni þeir Magni Þór Harðarson. Elfar Aron Daðason, Andri Bergmann og Sigurjón Geir Sveinsson.
Mynd: Facebook.
