Kröfur aukast um bætta vegþjónustu yfir Öxi
„Heimastjórn Fljótsdalshéraðs hefur beint því til sveitarstjórnar Múlaþings að taka upp viðræður við samgöngu- og sveitarstjórnarráðuneytið um bætta vegþjónustu á vetrum yfir Öxi umfram þá reglu sem í gildi er.“Þetta kemur fram í fundargerð frá síðasta fundi heimastjórnarinnar. Eins og fram kom í fréttum fyrr í vetur hefur heimastjórn Djúpavogs einnig gert kröfu um bætta vegþjónustu yfir Öxi.
Heimastjórn Fljótsdalshéraðs bendir á að málið sé mikilvægt í ljósi nýafstaðinnar sameiningar sveitarfélaga á Austurlandi í Múlaþing.
Heimastjórn Djúpavogs kom einnig inn á Múlaþing í sinni samþykkt um Öxi. Í henni segir m.a.; „Ennfremur er það skýlaus krafa heimastjórnar að vetrarþjónusta verði tekin upp að nýju á veginum enda er eftir sameiningu um samgöngur innan sveitarfélags að ræða.“