Helgin: Aðventa Gunnars á fjöldamörgum tungumálum í tilefni afmælis
„Gunnarsstofnun var opnuð 1997. Það var þó ekki í þeirri mynd sem hún er í dag, en stofnunin varð ekki menningarsetur fyrr en árið 2000. Það er ótrúlegt hversu margt hefur gerst á þessum tíma og hvernig við erum nú í þessu stóra og flotta húsi með mikla starfsemi og til að mynda þáttakendur í erlendum verkefnum.
Það hefði auðvitað verið flott ef þetta hefði tekið skemmri tíma, en núna á 20 ára afmæli stofnunarinnar er þetta orðin fullburða menningarstofnun,“ segir Skúli Björn Gunnarsson, forstöðumaður Gunnarsstofnunar til 18 ára.
Helgina 9. – 10. desember fagnar stofnunin 20 ára afmæli sínu. „Við verðum með opið bæði laugardag og sunnudag frá kl. 13:00 – 17:00, en afmælisdagskráin sjálf hefst kl. 14:00. Þar verður horft til baka og fram á við, ásamt menningarblendu af tónlist og bókalestri. Á sunnudaginn verður Aðventa Gunnars lesin í heild sinni á tíu til tólf tungumálum í hinum mörgu vistverum Gunnarshúss,“ segir Skúli.
Nánar má lesa um viðburðinn hér.
Dúkkulísurnar ásamt Pálma Gunnars.
Föstudaginn 8. desember og laugardainn 9. desember verða Dúkkulísurnar í Valaskjálf ásamt Pálma Gunnars. Gömlu góðu jólalögin í bland við margskonar lög bæði gömul og ný. Jólin okkar rifjuð upp með slatta af englahári og rauðum eplum – hvernig heldur Pamela í Dallas jól?
Nánar má lesa um viðurinn hér.
#MeToo í Herðubreið
Sunnudaginn 10. desember, á alþjóðadegi mannréttinda, mun fjölbreyttur hópur íslenskra kvenna koma saman og lesa frásagnir sem litið hafa dagsis ljós í #metoo baráttunni hér á landi. Konurnar og frásagnirnar sem þær lesa eru úr röðum sviðslistakvenna, tónlistarkvenna, stjórnmálakvenna, fjölmiðlakvenna, íþróttakvenna, kvikmyndagerðarkvenna, kvenna í tæknigeiranum og svo mætti lengi telja
Nánar má lesa um viðburðinn hér.