Halli á rekstri A-hluta Mulaþings vegna COVID
Halli verður á rekstri A-hluta Múlaþings á næsta ári upp á 251 milljón kr. Hinsvegar verður lítilsháttar afgangur á samanteknum rekstri A og B hluta eða 5 milljónir kr., að því er segir á vefsíðu Múlaþings.Ástæðan fyrir hallanum á næsta ári hvað A-hlutann varðar er að langmestu leyti vegna COVID. Eins og flest önnur sveitarfélög glímir Múlaþing við töluverðan tekjusamdrátt sem skapast hefur vegna COVID og þeirra efnahagslegu afleiðinga sem hrun í ferðaþjónustu hefur haft í för með sér
Fram kemur á vefsíðu Múlaþings þar sem fjallað er um fjárhagsáætlun næsta árs að rekstrartekjur sveitarfélagsins á árinu 2021 nema 7.264 milljónum kr. samkvæmt samstæðu fyrir A og B hluta, en þar af nema rekstrartekjur A hluta 6.383 milljónum kr.
Rekstrargjöld fyrir fjármagnsliði og afskriftir verða alls 6.347 milljónir kr. í samstæðu fyrir A og B hluta, þar af eru rekstrargjöld A hluta áætluð 6.065 milljónir kr.
Afskriftir ársins í A og B hluta nema 428 milljónum kr, þar af 240 milljónum í A hluta. Fjármagnsliðir verða neikvæðir um 452 millj í samanteknum A og B hluta, þar af 310 milljónir í A hluta.
Heildarskuldir og skuldbindingar eru áætlaðir rétt rúmir 11 milljarðar í árslok 2021 fyrir A og B hluta. Þar af nema heildarskuldir og skuldbindingar A hluta 7.8 milljörðum kr.
