Búið að bóluseta yfir 12%
Meira en 12% Austfirðinga hafa nú fengið bólusetningu að einhverju leyti gegn Covid-19 veirunni.Samkvæmt tölum frá boluefni.is er búið að bólusetja 6,5% Austfirðinga að fullu en 5,9% hafa fengið fyrri sprautu. Alls hafa því 12,2% fengið bóluefni.
Í síðustu viku var lokið við að bólusetja íbúa yfir 80 ára aldri og bólusetning yngra fólks er víða hafin. Henni verður haldið áfram í næstu viku en ekkert er bólusett eystra þessa vikuna.