Ekki hægt að flýta Norðfjarðargöngum
Ekki verður hægt að opna Norðfjarðargöng fyrir árslok þótt gröftur ganganna hafi gengið hraðar en áætlanir gerðu ráð fyrir.Þetta eru niðurstöður Vegagerðarinnar og aðalverktaka ganganna.
Í svari við fyrirspurn Austurfréttar segir upplýsingafulltrúi Vegagerðarinnar að tíminn til að ljúka fjölmörgum verkþáttum sem eftir eru fyrir veturinn sé orðinn of stuttur. Því sé ekki hægt að tryggja að unnt verði að ljúka við verkið fyrir árslok 2016.
Því er ljóst að ekki er unnt að reikna með því að göngin verði opnuð fyrir umferð fyrir þann tíma heldur verði áfram miðað við 1. september 2017 eins og samningur kveður á um.
Þrátt fyrir það verður vinnu við verkið hraðað eins og kostur er.
