„Við óskum bara eftir fimleikahúsi“
„Eftir fyrsta tíma gat maður varla hreyft sig fyrir strengjum, þeir voru alveg að drepa mann í tvo daga,“ segir Steinunn Snædal, ein þeirra sem skráði sig í fullorðinsfimleika hjá Fimleikadeild Hattar í vetur. Að austan leit við á æfingu í vor.Fimleikadeild Hattar er mjög öflug þrátt fyrir smæð samfélagsins og aðstöðuleysi deildarinnar, en innan hennar eru yfir tuttugu þjálfarar og 200 iðkendur á aldrinum 4-20 ára. Fimleikadeild Hattar gefur stærri deildunum á höfuðborgarsvæðinu ekkert eftir og er yfirleitt að keppa í A deild þar sem góður árangur hefur náðst.
Eftir áramót bauð deildin svo upp á fimleika fyrir fullorðna sem galvaskur hópur stundaði af kappi.
