Stofna samtök skapandi fólks á Austurlandi
Hópur sem kallar sig „SAM félagið“ hefur boðað til fyrsta félagsmannafundar og sýningar í Sláturhúsinu á Egilsstöðum á morgun. Félagið er opið þeim sem starfa í einn eða á annan hátt í skapandi greinum.
Stofnfundurinn er klukkan 18:00 en strax eftir hann, eða klukkan 20:00, opnar sýningin fyrsta sýning hópsins.
Félagið er opið þeim sem starfa á einn eða annan hátt í skapandi greinum og hafa áhuga á að skapa sér atvinnu á þeim vettvangi.
Nýir félagar velkomnir á fundinn. Á honum verða tillögur að starfsemi félagsins kynntar og „skapandi umræður“ í kjölfarið.
Sýningin stendur til 31. mars.
