Haldið upp á 25 ára afmæli G. Skúlasonar: Myndir
Um helgina fór fram afmælishátíð G. Skúlason verkstæðisins í tilefni þess að 25 ár voru liðin frá því Guðmundur Skúlason hóf rekstur verkstæðis árið 1987. Síðan hefur fyrirtækið stækkað og dafnað vel.
Hátíðin var haldin í Egilsbúð og voru gestir vel á þriðja hundrað talsins. Veislustjóri var Jón Björn Hákonarson og Ingibjörg Bjarnadóttir skipulagði viðburðinn.
Ýmsir tóku til máls, þar má meðal annars nefna Pál Björgvin Guðmundsson bæjarstjóra Fjarðabyggðar, Magnús Helgason, framkvæmdastjóra Launafls, Gunnþór Ingvason, framkvæmdastjóra Síldarvinnslunnar hf og fleiri, ásamt því sem Þórarinn Guðnason flutti gamanvísur og Smári Geirsson fór stuttlega yfir sögu fyrirtækisins. Að lokum var endað á dansleik undir leik Danshljómsveitar Friðjóns.
