Veðurspáin lítur betur út
Áfram er óvissustig í gildi vegna ofanflóða á Austurlandi. Veðurspá fyrir Seyðisfjörð lítur betur út en hún gerði. Munurinn er þó ekki mikill og áfram er fylgst vel með.Mesta úrkoma hingað til hefur mælst á Fáskrúðsfirði, rúmir 25 mm í nótt, rúmlega 20 mm á Eskifirði og í Neskaupstað og um 17 mm á Seyðisfirði en minni úrkoma mælist á nýja úrkomumælinum í Botnum.
Á öllum stöðum eru snjóathugunarmenn að störfum. Fylgst er með gögnum úr GPS mælum, alstöð og vatnshæðarmælum á Seyðisfirði ásamt veður og snjómælum.