Varðskipið sótti fólk í Hánefsstaði
Varðskipið Týr kom til Seyðisfjarðar á sjötta tímanum í gær eftir tæplega sólarhrings siglingu. Fyrsta verk þess var að sækja fólk á bæinn Hánefsstaði.Samkvæmt frétt frá Landhelgisgæslunni sótti varðskipið þrjá einstaklinga og tvo ketti. Fólkið flúði heimili sitt í utanverðum Seyðisfjarðarkaupstað seinni part föstudags. Heimili þess er utan við þar sem stóra skriðan féll og hefði því þurft að fara í gegnum skriðuna til að komast í aðstoð í bænum.
Í staðinn keyrði það að sveitabænum Hánefsstöðum þar sem heimilisfólk tók á móti því. Með Tý fór fólkið til hafnar á Seyðisfirði.
Varðskipið verður til taks meðan þurfa þykir. Þá er ein af þyrlum gæslunnar væntanleg til Egilsstaða um klukkan ellefu.
Mynd: Landhelgisgæslan
