Tveir nýir starfsmenn hjá Hafró í Neskaupstað
Gengið hefur verið frá ráðningu tveggja nýrra starfsmanna hjá nýrri starfstöð Hafrannsóknarstofnunnar í Neskaupstað.Í frétt um málið á vefsíðu stofnunarinnar segir að þær Helena Gallardo Roldán og Hrefna Zoëga, séu hinir nýju starfsmenn. Þær munu sinna sýnatöku úr afla upp- og botnsjávarfisks sem og hinum ýmsum rannsóknar- og vöktunarverkefnum á Austurlandi.
Helena Gallardo Roldán er nýr starfsstöðvarstjóri og sérfræðingur á starfstöð í Neskaupstað. Helena er með grunnháskólamenntun í sjávarlíffræði og mastersgráðu á sviði fiskeldi og fiskveiða með áherslu á sjávarauðlindir og sjálfbærni. Hún hefur meðal annars starfað við hafrannsóknir hjá Haffræðistofnun Spánar. Þá gegnt störfum tengdri ferðaþjónustu á Íslandi í tæp tvö ár, m.a. við hvalaskoðum.
Hrefna Zoëga hefur verið ráðin í starf rannsóknamanns við stöðina í Neskaupstað en hún hefur menntun frá Fiskvinnsluskólanum á Dalvík. Hrefna hefur víðtæka starfsreynslu úr sjávariðnaði og hefur meðal annars unnið í fiskvinnslu, sem verkstjóri og gæðastjóri. Að auki hefur hún tekið þátt í að setja fiskvinnslufyrirtæki af stað frá grunni og verið háseti á skipi. Síðustu ár hefur Hrefna unnið í ferðageiranum og verið hótelstjóri. Hrefna er mikil útivistarmanneskja, hefur mikla ánægju að ganga á fjöll og stunda skíði.
Starfsstöðin í Neskaupsstað verður í Múlanum – samvinnuhúsi, nýjum skrifstofuklasa og miðstöð nýsköpunar.
Mynd. hafogvatn.is
