Stillt upp á lista Viðreisnar
Stillt verður upp á lista Viðreisnar í Norðausturkjördæmi fyrir þingkosningar í haust. Uppstillinganefnd er að störfum og stefnir að því að ljúka störfum í kringum páska.„Við höfum lagt upp með að vera tilbúin með listann síðustu dagana í mars og fundum meðal annars í kvöld. Þetta verður klárt öðru hvoru megin við páskana,“ segir Erlingur Arason, formaður landshlutaráðs Viðreisnar í Norðausturkjördæmi.
Hann er hluti af fjögurra manna uppstillinganefnd sem einnig sitja í Hildur Betty Kristjánsdóttir, Hólmar Erlu Svansson og Arngrímur Viðar Ásgeirsson. „Við höfum haldið nokkra fundi en erum ekki komin með endanlegan lista,“ segir Erlingur.
Viðreisn auglýsti nýverið eftir áhugasömu fólki á listann. „Við höfum val um dálítið af fólki en það er aðeins upp og ofan hvort fólk vilji taka sæti á lista núna eða vera frekar í baklandinu.“
Þegar uppstillingarnefnd hefur lokið störfum verður listinn lagður fyrir landshlutaráðið og kynntur formlega að fengu samþykki ráðsins.