Spá hríð og stormi austanlands í dag
Gul veðurviðvörun er í gildi á bæði á Austurlandi að Glettingi og Austfjörðum í dag. Spáð er hríð og stormi með talsverðri snjókomu.Á vefsíðu Veðurstofunnar segir að á Austurlandi er spáð norðaustan hríðarveðri og stendur viðvörnunin til kl. 15 í dag. Spáin gerir ráð fyrir hvassviðri með vindhraða á bilinu 15 - 20 m/s. Búist er við talsverðri snjókomu með skafrenningi og lélegu skyggni og versnandi akstursskilyrðum.
Á Austfjörðum tekur viðvörunin gildi kl. 14 í dag og stendur til kl. 23. Þar er spáð stormi eða norðvestan 15-23 m/s með staðbundnar vindhviður um og yfir 35 m/s, einkum sunnantil. Ökumenn aki varlega, einkum ef ökutækin verða óstöðug í hvössum vindum.