Slökkvistarfi að ljúka á svæði Hringrásar - Myndir
Slökkvilið Fjarðabyggðar er langt komið með að slökkva eldinn sem blossaði upp á svæði Hringrásar að Hjallaleiru á Reyðarfirði laust fyrir hádegi. Töluverður eldur var þegar slökkviliðið kom á svæðin.„Þetta var drjúgur eldur, það stóðu hér eldtungur út í loftið og það var talsverður reykur. Síðan hefur gengið þokkalega að ná þessu niður og við erum að verða búnir að slökkva,“ segir Guðmundur Helgi Sigfússon, slökkvistjóri.
Eldurinn kom upp á járnasvæðiðinu, þar sem mest um bílhræ. Töluverður viðbúnaður og á vettvang komu slökkvibílar frá Fáskrúðsfirði og Norðfirði auk Reyðarfjarðar.
Þá hefur gröfu með griparmi, svokölluðum krabba, verið beitt við að ná braki af svæðinu og greiða fyrir slökkvistarfinu.
Sem fyrr segir hefur reykurinn nú minnkað verulega enda eldurinn nær útdauður.
Myndir: Aðsendar
