Seyðfirðingum heitið upplýsingum um hádegi
Íbúar Seyðisfjarðar eiga að fá upplýsingar um hvenær þeir geta vitjað heimila sinna um hádegi í dag í kjölfar fundar almannavarna og Veðurstofunnar.Þetta kemur fram í skilaboðum sem send eru frá Rauða krossinum. Bærinn var rýmdur í gær eftir að mikil aurskriða féll þar um klukkan þrjú. Allir sem voru á staðnum þurftu að láta skrá sig áður en þeir fóru upp í Egilsstaði.
Verið er að meta aðstæður og fara yfir stöðuna þessa stundina. Engum er hleypt inn í bæinn og er leiðin yfir Fjarðarheiði lokuð.