Rýming áfram í gildi á Eskifirði
Rýming er áfram í gildi á Eskifirði, á svæðinu milli Lambeyrarár og Ljósár, þar sem ríflega 160 manns þurfti að yfirgefa heimili sín seinni partinn í gær vegna skriðuhættu.Ákvörðun var tekin um rýmingu eftir að í ljós kom að sprungur í veginum upp Oddsskarð höfðu gliðnað um allt að 10 cm í gær.
Starfsmenn frá Veðurstofu, Vegagerðinni og Fjarðabyggð meta nú aðstæður. Vonast er til að niðurstaða þeirra liggi fyrir fljótlega eftir hádegi og er von á nýrri tilkynningu milli klukkan 13 og 14.
Rýming verður í gild, að minnsta kosti þangað til.
Í samtali við Austurfrétt segir Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustjóra, að sérfræðingar með flygildi hafi skoðað svæðið í morgun. Staðan skýrist síðar í dag, meðal annars hvort íbúar fái að vitja húsa sinna. Líf og limir fólks hafi alltaf forgang.
Frá Eskifirði í morgun. Mynd: Sverrir Mar Albertsson
