Rauða skemman er bókstaflega í henglum
Blaðamönnum hefur verið veittur takmarkaður aðgangur að aurfljóðasvæðinu á Seyðisfirði. Hér er fyrsta skýrslan frá Gunnari Gunnarssyni ritstjóra Austurfrétta:
Fyrsta stóra skriðan sem féll úr Botnabrún skiptist í þrjár kvíslar og sú stærsta fór í árfarveg Búðarár. Það er ljóst að með skriðunni kom megnið af jarðvegi fjallshlíðarinnar. Sem dæmi um tjónið má nefna að rauða skemman er bókstaflega í henglum.
Þá má nefna að sjá má björgunarsveitarbíl í miðjum aurhaug á þessu svæði. Aðeins afturendinn stendur uppúr. Þaðan áttu björgunarsveitarmenn fótum fjör að launa í gærdag. Athygli vekur að ljósin loga enn á bílnum
Litla skriðan sem kom í morgun fór beint á Pósthúsið en olli engum eignaspjöllum.
Fréttin verður uppfærð...
