Óvenjumikið um umferðarsektir í Fjarðabyggð
Óvenjumikið hefur verið um umferðarsektir hjá lögreglunni í Fjarðabyggð að undanförnu en lögreglan hefur þar verið með umferðareftirlit í gangi.„Þetta hafa verið tugir sekta í hverri viku. Þannig voru gefnar út 14 sektir í gærdag og 11 daginn þar á undan svo dæmi séu tekin,“ segir Þórhallur Árnason aðalvarðstóri í lögreglunni á Austurlandi.
Fram kemur í máli Þórhalls að aðallega eru þetta hraðasektir, að menn noti ekki bílbeltin eða tali í farsíma undir akstri. Síðan hefur nokkuð verið um að menn séu séu að leggja ólöglega innanbæjar í sveitarfélaginu.
„Reglum um hámarkshraða innanbæjar var nýlega breytt og hraðinn lækkaður úr 50 km niður í 40 km og jafnvel 30 km,“ segir Þórhallur. „Menn eru kannski enn með gömlu reglurnar fastar í kollinum en þessi breyting var mjög vel kynnt og auglýst.“
Þórhallur hvetur ökumenn til að virða gildandi umferðarreglur og þá sérstaklega innanbæjar þar sem börn eru á ferli.