Öllum áramótabrennum aflýst í Múlaþingi
Vegna aðstæðna í samfélaginu hefur öllum áramótabrennum verið aflýst í Múlaþingi. Flugeldasýningar í samstarfi við björgunarsveitir verða haldnar á Djúpavogi og á Egilsstöðum.Þetta kemur fram á vefsíðu Múlaþings. Þar segir að vegna samkomutakmarkana eru íbúar vinsamlegast beðnir um að njóta þeirra að heiman eða úr bílum sínum, safnast ekki saman í stórum hópum og virða fjarlægðartakmörk.
Flugeldasýningar verða sem hér segir:
Djúpivogur
Flugeldasýning verður frá Bóndavörðu og hefst kl. 17:00
Egilsstaðir
Flugeldasýning verður frá flugvallarafleggjara og hefst kl. 17:00
Seyðisfjörður
Fyrirhuguð flugeldasýning sem átti að vera á Seyðisfirði hefur verið aflýst. Samverustund verður frá Lóninu kl.21.00 þar sem íbúar koma saman, kveikja á kertum, njóta kyrrðar og syngja saman. Þeir sem eiga ekki heimangegnt geta kveikt á kerti heima hjá sér. Einnig má deila myndum á samfélagsmiðlum undir #ljósfyrir710
