Óbreytt staða, sérfræðingar funda kl. 18.00
Staðan er óbreytt á Austurlandi hvað óvissustigið varðar. Sérfræðingar á ofanflóðavakt Veðurstofu Íslands funduðu um miðjan dag um óvissustig vegna ofanflóðahættu á Austurlandi. Annar fundur er áformaður kl. 18.00
Þetta kemur fram í tilkynningu frá lögreglunni. Veðurspá á svæðinu gerir ráð fyrir áframhaldandi úrkomu fram á nótt með rigningu í byggð sem nær líklega uppá fjallatoppa.
"Eins og staðan er núna er ekki talin þörf á frekari aðgerðum," segir í tilkynningunni.
"Vel er fylgst með aðstæðum á svæðinu og munu sérfræðingar á ofanflóðavakt funda aftur klukkan 18:00 þar sem staðan er endurmetin."
Mynd: Lögreglan á Austurlandi.
