Óbreytt staða eftir nóttina
Engin frekari skriðuföll eru kunn á Seyðisfirði eftir nóttina. Almannavarnir sitja nú á fundi þar sem útlitið í dag verður metið.Ekkert hefur rignt á Seyðisfirði síðan klukkan fjögur í morgun og eftir því sem Austurfrétt kemst næst hefur grunnvatnsstaðan upp í Botnum lækkað talsvert.
Spáð er því að veðrið verði að mestu leyti þurrt í dag en eftir miðnætti taki við rigning eða slydda fram eftir morgundegi.
Einnig er verið að meta stöðuna á Eskifirði. Tilkynninga til íbúa um framhaldið á báðum stöðum er að vænta um hádegið.
