Óbreytt rýming og hættustig áfram á Seyðisfirði
Ákveðið hefur verið að rýmingarsvæðið á Seyðisfirði eins og það er verði óbreytt a.m.k. til hádegis á morgun.Þetta kemur fram í tilkynningu frá lögreglunni á Austurlandi. Þar segir einnig að áfram sé í gildi hættustig almannavarna á Seyðisfirði.
„Eftir athuganir sérfræðinga Veðurstofu Íslands og hreinsunarstarf á Seyðisfirði í dag er ákveðið að halda rýmingarsvæði óbreyttu fram að hádegi á morgun að minnsta kosti. Frekari ákvarðanir verða teknar þá,“ segir í tilkynningunni.
Herðubreið verður opin á morgun frá kl. 12 til miðnættis.