Nýtt bakarí komið í Kleinuna
Búið er að opna nýtt bakarí í Kleinunni á Egilsstöðum þ.e. Miðvangi 2-4. Verður það opið alla daga vikunnar frá klukkan níu að morgni.Sigrún Jóhanna Þráinsdóttir framkvæmdastjóri 701 Hotels, sem rekur Fellabakstur, segir að opnun hins nýja staðar sé liður í að auka þjónustuna við viðskiptavini á Egilsstöðum.
"Það er bakarí í Fellabæ en nú verðum við báðum megin brúarinnar," segir Sigrún Jóhanna. "Frá því að við tókum við Fellabakstri í janúar síðast liðnum höfum við stefnt að því að opna útibú á Egilsstöðum. Þar til nú höfum við verið með lítið útibú frá Fellabakstri á veitingastaðnum Salt en nýja bakaríið er í sama húsi."
Aðspurð um hvort búast megi við nýjungum í kjölfar nýja bakariisins segir Sigrún Jóhanna svo vissulega vera.
"Í dag erum við með tvær nýjungar sem ekki hafa sést hjá okkur áður á Egilsstöðum en það eru marispanstykki og koníaksstykki," segir Sigrún. "Og það eru fleiri nýjungar í bígerð hjá okkur."
