Næstu upplýsingar eftir klukkan ellefu í fyrramálið
Sprungur hafa komið í ljós í kringum skriðusár við Nautaklauf ofan Seyðisfjarðar. Þess vegna var bærinn lokaður í dag.Þetta kemur fram í stöðuskýrslu almannavarna frá í kvöld. Sprungur í jarðvegi milli Búðarár og Nautaklaufar voru skoðaðar í dag með flygildum og verður farið yfir þau gögn í kvöld og fyrramálið.
Vatnsþrýstingur minnkar nú í jarðvegi á Seyðisfirði enda hefur lítið rignt þar síðan í morgun. Dagurinn hefur verið nýttur til að skipuleggja næstu skref, svo sem hreinsun og björgunarstörf sem hefjast þegar óhætt telst að fara inn á svæðið. Varðskipið Týr kom inn á Seyðisfjörð seinni partinn í dag.
Bærinn var rýmdur í gær eftir að aurskriður féllu þar rétt fyrir klukkan þrjú í gær. Íbúar hafa ekki enn fengið að snúa aftur. Næsta tilkynning verður send milli klukkan 11 og 12 á morgun.