List í ljósi á Seyðisfirði hefst í dag
Vetrarhátíðin List í ljósi 2021 hefst á Seyðisfirði í dag. Í ljósi hamfaranna sem áttu sér stað á Seyðisfirði í desember auk heimsfaraldurs mun Listi í ljósi 2021 taka á móti fyrstu sólargeislum nýs árs á aðeins öðruvísi máta en hefð gerir ráð fyrir.Þetta kemur fram á vefsíðu Múlaþings. Þar segir að listamenn, menningarstofnanir og skólar á svæðinu munu bjóða gestum og gangandi upp á einlægt listrænt framlag sem hefur það að markmiði að umvefja og gleðja dagana 12. - 14.febrúar.
„Hátíðin verður þannig framkvæmd að þeir sem vilja njóta hennar geta gert það á sínum tíma og skoðað listaverk og sýningar á eigin forsendum,“ segir á vefsíðunni.
Fjölbreytta dagskrá hátíðarinnar má sjá á vefsíðunni listiljosi.com